لي قهراتهم العين كاين حل وصفة عطاتها ليا جدتي ملي كنت صغيرة و كنلقى راحتي عليها
شري رابعة ديال الشبة وشوية ديال الحرمل
وكل نهار خدي شوية بيديك قراي لمعوذاتان مرارا و تكرارا و نتي تدوزي يدك على جسدك
من بعد بخري و نتي تتقولي دخلي يا رحمة الله و خرجي يا عين ياعدوة الله عين الراجل فيها منجل و عين المرا فيها جمرة
كرري الجنلة حتى يتقطع الدخان
وشوفي شكل الشبة الى خرجات متقوبة من الوسط هاديك عين مرة و الى خرجات طوبلة عين راجل و الى بقات بحال شي حجرة مفيها حتى شكل اذن مفيكش العين
من بعد خودي سبعة جمرات و شي حد يطفيهم ليك وحدة ورا وحدة فوق راسك فشي زلافة فيها الما و قولي بردت عين الحساد كيف ما بردت الجمرات
و خرجي رمي برا الدار بقايا الشبة و الفاخر
كرري العملية سبعة ايام
و ستختفي اثار العين
الله يبعد علينا الحساد و عينيهم
