تفوسيخة للتابعة وصفة صعيبة ومجهدة ما تخليش لا سحر لا تابعة

هاد الوصفة كاتعمل فالبحر ولكن لي يقدر عليها وخص تكوني ضاربها بشي تخييمة فالصيف ههه ولكن راه وصفة من الوصفات ديال الشيوخ الكبار ما تبقايش تعاني من مشكل السحر المهم نبداو بسم الله:

غادي تحتاجي بيجامة جديدة وسوتيان جداد وكيلوت جديد المهم كلشي جديد حتى من الصباط ولا صابو ولا صندالة

وغادي تحتاجي 2 طراف ديال ثوب حياتي ديال الكفن

واحد بيدو ديال الماء لي يكفيك الغسيل وتكوني زادية عليه نقطة من ديك الريحة ديال العود ديال الخليجين (كاتكون عند لي كايبيعو الحج) والى ما وجدات فرتتو فيه شوية المسك

(لي لقات تجيب عند شي مول الرقية بيدو دالما ديال الرقية يكون احسن)

غادي تحتاجي شي واحد ولا وحدة يمشي معاك باش يعاونك

الطريقة:

هادشي غادي تعمليه حدا البحر ماشي وسط البحر يعني حدا الرملة الفازكة بحيث الماء لي جبتي معاك وغادي تغسلي بيه يطيح فالرملة ويسيح لجيهت البحر

تلفي عليك داك الكفن وتزولي حوايجك كاملة وتخلي مساحة فين تحرك يديك يعني ما تزيريش عليك داك الثوب ولي معاك يبقا يخوي عليك من الما ديال البوديزة بحيث تغسلي جسمك كامل بداك الماء من شعرك وظهرك المهم الما يغسل جسمك كامل خصوصا توتو ديالك حتى هو تغسل مزيان وملي تكوني تغسل وانتي تقرا قل هو الله احد وادعي فخاطرك باش يسهل عليك الله ويبطل السحر والعكس لي عندك المهم انتي كاتغسلي وتدعي فنفس الوقت مني تسالي من الغسيل يتحيد الكفن وتلبسي الحوايج الجداد لي جبتي معاك وتفرشي الكفن تحطي فيه كاع دوك الحوايج القدام لي كنتي لابسة حتى من الصباط وترزميه وتنزلي البحر حتى يوصل الماء لركابيك(عنداك تغرقي) وترميها وتقولي بسم الله توكلت على الله وبإذن الله ورسول الله. وغادي تلاحظي ان الرزمة غادية فعكس اتجاه الموج سبحان الله وتشوفي السرعة باش غاديا على حساب الضرر والسحر والعكس لي كان عندك

وانشاء الله غادي ترجعي بحالة ولداتك مك.